சென்னை அண்ணா அறிவாலயத்தில் தமிழ்நாடு முதலமைச்சர் மு க ஸ்டாலினை முன்னாள் சட்டமன்ற உறுப்பினர் எஸ்.வி, சேகர், சந்திப்பை தொடர்ந்து செய்தியாளர்களுக்கு பேட்டியளித்தார்.
அப்போது பேசிய எஸ்.வி.சேகர், நாடக குழுவின் 50 ஆவது ஆண்டுமுடிவடைகிறது. இதுவரை 7000 நாடகம் நடத்தியிருக்கிறோம். நவம்பர் 7 ம் தேதி தனது தந்தையின் 100 ஆண்டு பிறந்தநாள், இதனையொட்டி இந்த நிகழ்வில் முதல்வர், துணை முதல்வர் கலந்து கொள்ள வேண்டும் என அழைப்புவிடுத்ததாக கூறினார்.
கமலஹாசன் தன்னை இனி உலக நாயகன் என அழைக்க கூடாது என அறிவித்துள்ளது மகிழ்ச்சி தான், கமலஹாசன் பிறக்கும் போது கமலஹாசன் என தான் பெயர் வைத்து உள்ளனர், பட்டத்தை எல்லாம் தூக்கி கொண்டு அலைய கூடாது, கமலஹாசன் எடுத்த முடிவு சரியானது. அண்ணாமலை எனும் பெயர் கேட்டாலே காதில் விழா மாட்டேங்குது அண்ணாமலை உள்ளவரை அரசியல் தரம் கெட்டு தான் இருக்கும், அவரை போன்ற மோசமான தலைவர்கள் இருக்கும் கட்சியில் இருப்பது அசிங்கமாக கருதுகிறேன். எனவே எனது உறுப்பினர் அட்டையை ரினிவல் செய்யவில்லை, நான் அரசியலை விட்டு விலகி எல்லோருக்கும் பிடித்த தமிழனாக திராவிடனாக இருக்கவே விரும்புகிறேன்.
தமிழகத்தில் பிராமணர்களை இன படுகொலை செய்தது பா ஜ க தான், தமிழகத்தில் பிராமணர்கள் பல பேருக்கு புரிதல் இல்லை தி.க வேறு தி.மு.க வேறு, அரசு மகளிருக்கு இலவச பேருந்து விடுகின்றனர் பிராமணர்களுக்கு கிடையாது என கூறுகின்றனரா? பிரமண சமுதாயத்திற்கு சட்டமன்ற தேர்தலில் அந்தனர் முன்னேற்ற வாரியம் அமைத்தால் திமுக வுக்கு ஆதரவாக பிரச்சாரம் செய்வேன், பா ஜ க எப்படி போனாலும் எனக்கு கவலை இல்லை, 261 கிரிமினல்கள் பா ஜ க வில் இருக்கின்றனர் திருடர்கள் இருக்கும் இடத்தில் எனக்கு என்ன வேலை, என்றார்.