அதிமுக கள ஆய்வு கூட்டத்தை கலவர ஆய்வு கூட்டம் என்பதா ? பயந்து போய் உளறுகிறார் உதயநிதி ஸ்டாலின்! – ஆர்.பி. உதயகுமார் விமர்சனம்

82 மாவட்டங்களிலே எல்லோரும் ஒரே மாதிரி கருத்து சொல்ல வேண்டும் என்று சொன்னால் அது செட்டப் செய்து சூட்டிங் போல நீங்களும் உங்கள் தந்தையார் நடத்துகிறீர்களே? அதே போல இது செட்டப் செய்து சூட்டிங்காக இருக்கும். அது எதார்த்த கள நிலவரமாக இருக்காது.

சில மாவட்டங்களில் கருத்து மோதல் விவாதம் சூடான கருத்துக்களை சுவையாக எடுத்து வைக்கப்படுகிறது ஆனால் ஊடகங்களில் ஊதி பெரிதாக்கி வருகிறது.

கலவரம் நடப்பதை போலவும், மக்களிடத்திலே ஒரு பொய் செய்தியை கொண்டு செல்வதில் உதயநிதி ஸ்டாலின் காட்டுகிற அக்கறை என்பது, அண்ணா திராவிட முன்னேற்ற கழகத்தை பார்த்து எப்படி அச்சப்பட்டு பயந்து இருக்கிறார் என்பதுதான் அவருடைய பிறந்தநாள் பேச்சு உள்ளது.

அதிமுகவை வலிமையோடு எழுச்சியோடு எடப்பாடியார் வழி நடத்திவெற்றி நடை போட்டு வருகிறார் கவனம் செலுத்துகிறார் இதை பொறுக்க முடியாமல் உதயநிதி உளறல் பேச்சு உள்ளது.

சொத்து வரி உயர்வு, மின் கட்டணம் உயர்வு இதனால் திமுக மீது மக்கள் கடுமையான கோபத்தில் உள்ளனர் பால் விலை உயர்வு, குப்பைவரி உயர்வு ,சாக்கடை வரி உயர்வு, கட்டுமான பொருள் உயர்வு, ஆயிரம் ரூபாய் உரிமை தொகை வழங்கிவிட்டு பத்தாயிரம் ரூபாய் உரிமை பறிக்கிற இந்த விலைவாசி உயர்வு என்பது இன்றைக்கு மக்கள் மீது மிகப்பெரிய சுமையை ஏற்றி வைத்திருக்கிறார்கள்.

சட்டம் ஒழுங்கு சீர்கேடு, போதைப்பொருள் நடமாட்டம், எல்லாம் நாம் பார்க்கிற ஒரு அவல நிலையை மூடி மறைக்கின்ற, திசை திருப்புகின்ற இந்த உண்மையை வெட்ட வெளிச்சம் போட்டு காட்டுகிற அனைத்திந்திய அண்ணா திராவிட முன்னேற்றக் கழகத்தை பலவீனப்படுத்துவதற்காக ஒரு மாய தோற்றத்தை ஏற்படுத்துவதற்காக எதை செய்தாலும் குற்றம் கண்டுபிடிக்கிற ஒரு நிலையை தான் திமுக உள்ளது.

52 ஆண்டுகள் வீர வரலாறு படைத்த அண்ணா திராவிட முன்னேற்றக் கழகம் பற்றி உதயநிதி ஸ்டாலின் அறிந்திருக்க வாய்ப்பு இல்லை, அவர் அரசியலில் கத்து குட்டி.

அனைத்திந்திய அண்ணா முன்னேற்றக் கழக 52 ஆண்டுகள் வரலாற்றை நீங்கள் முழுமையாக தெரிந்து கொள்ள வேண்டும் என்று சொன்னால் உங்கள் தகப்பனார் முத்துவேல் கருணாநிதி ஸ்டாலினிடம் கேளுங்கள்.

திமுகவை வனவாசம் செய்த கட்சி அதிமுக, புரட்சித்தலைவர் இருக்கும்பொழுது கருணாநிதி கோட்டை பக்கம் கூட வர முடியவில்லை, அம்மா உயிரோடு இருக்கும் வரை உங்கள் தந்தையார் வெற்றி சுவட்டை எட்டிப் பார்த்ததில்லை.

எடப்பாடி வலிமையோடு இருந்து வருகிறார். கட்டுகோப்போடு கட்சியை நடத்தி வருகிறார் என்ற பொறாமை வெளிப்பாடு தான் உங்கள் பேச்சு உள்ளது. அதிமுகவை ராணுவ கட்டுப்பாட்டுடன் அண்ணா கூறிய கடமை, கண்ணியம், கட்டுப்பாடு என்று சிறப்பாக வழிநடத்தி இருக்கிறார்.

இன்றைக்கு வடகிழக்கு பருவமழையில் பாதிக்கப்பட்ட மக்களை காப்பாற்றும் கடமை உங்கள் கண் முன்னால் இருக்கிறது. வறுமையில் வாடும் மக்களை கை பிடித்து தூக்கி விடும் செயல் கண் முன்னே நிற்கிறது. படித்த இளைஞர்களுக்கு புதிய வாழ்க்கை அமைத்து தர உங்கள் கண் நிற்கிறது, ஏழை, எளிய மக்களுக்கு செய்யும் கடமை கண் முன்னால் நிற்கிறது.

அரசு ஊழியர்கள் போராட்டம் செய்கிறார்களே அவர்களை அழைத்துப் பேச கண் முன்னே நிற்கிறது. இது எல்லாம் விட்டுவிட்டு கடமையாற்றாமல் உள்ளீர்கள், விமர்சனம் செய்வதை விட்டு விட்டு மக்கள் சேவையாற்ற முன்வர வேண்டும்” என கூறினார்.