“மோடி அரசின் மோசமான உள்கட்டமைப்பு” – மத்திய அரசை கடுமையாக விமர்சித்துள்ளார் காங்கிரஸ் தலைவர் மல்லிகார்ஜுன கார்கே.
கடந்த 10 ஆண்டுகால மோடி அரசின் ஆட்சியில் உள்கட்டமைப்பு சீர்குலைந்து போனது. மோசமான உட்கட்டமைப்பிற்கு மோடி அரசில் நடந்த ஊழல் மற்றும் அலட்சியமே காரணம் என காங்கிரஸ் தலைவர் மல்லிகார்ஜுனா கார்கே மத்திய அரசை விமர்சித்துள்ளார்.
குறிப்பாக, டெல்லியில் பெய்து வரும் மழையால் டெல்லி விமான நிலையத்தின் ஒரு முனையத்தின் மேற்கூரை இடிந்து விழுந்தது, ஜபல்பூர் விமான நிலைய மேற்கூரை இடிந்து விபத்து, அயோத்தியின் புதிய சாலைகளின் பரிதாப நிலை, முதல் மழையிலேயே அவசர அவசரமாக கட்டப்பட்ட ராமர் கோவிலில் ஏற்பட்ட கசிவு, மும்பை டிரான்ஸ் ஹார்பர் இணைப்பு சாலையில் விரிசல், 2023 மற்றும் 2024 இல் பீகாரில் 13 புதிய பாலங்கள் இடிந்து விழுகின்றன, டெல்லி பிரகதி மைதானில் கட்டப்பட்ட பல்லாயிரக்கணக்கான கோடி ரூபாய் செலவில் கட்டப்பட்ட சுரங்கப்பாதை நீரில் மூழ்கியது, குஜராத்தில் மோர்பி பாலம் இடிந்து விழுந்த சோகம் ஆகியவை உலகத் தரம் வாய்ந்த உள்கட்டமைப்பை உருவாக்குவதாக மோடி அரசின் கூற்றுக்களை அம்பலப்படுத்தும் சில அப்பட்டமான நிகழ்வுகள் ஆகும்.
பொய்யான ஆதங்கம் மற்றும் சொல்லாடல்கள் அனைத்தும் தேர்தலுக்கு முன் ரிப்பன் வெட்டும் விழாக்களில் விரைவாக ஈடுபடுவதற்கு மட்டுமே ஒதுக்கப்பட்டது. மழையின் காரணமாக டெல்லி விமான நிலைய மேற்கூரை இடிந்து விழுந்ததில் பலியானவர்களுக்கு ஆழ்ந்த இரங்கலை தெரிவித்துக் கொள்கிறோம் என்று கூறியுள்ள மல்லிகார்ஜுன கார்கே ஊழல், திறமையற்ற மற்றும் சுயநல அரசாங்கத்தின் சுமைகளை விபத்தில் உயிரிழந்தவர்கள் சுமந்தனர் ,என்று தெரிவித்துள்ளார்