ஸ்காட்லாந்து அணிக்கு எதிரான போட்டியில் மார்கஸ் ஸ்டோனிஸ் அபார ஆட்டத்தால் ஆஸ்திரேலியா அணி அபார வெற்றி பெற்றது.
அமெரிக்கா மற்றும் வெஸ்ட் இண்டீஸ் இணைந்து நடத்தும் உலக கோப்பை டி20 தொடர் கடந்த 2-ந் தேதி கோலாகலமாகத் தொடங்கியது. இந்தநிலையில் நேற்று இரவு (இந்திய நேரப்படி) நடைபெற்ற 35வது லீக் ஆட்டத்தில் ஆஸ்திரேலியா மற்றும் ஸ்காட்லாந்து அணிகள் பலப்பரீட்சை நடத்தின. இதில் ஆஸ்திரேலியா அணி மிட்செல் மார்ஷ் தலைமையிலும் ஸ்காட்லாந்து அணியானது ரிச்சி பெர்ரிங்க்டன் தலைமையிலும் களம் கண்டன. இந்த ஆட்டமானது வெஸ்ட் இண்டீஸ் உள்ள டேரன் சம்மி மைதானத்தில் நடைபெற்றது.
இப்போட்டியில் டாஸ் வென்ற ஆஸ்திரேலியா அணியின் மிட்செல் மார்ஷ் முதலில் பந்துவீச்சை தேர்வு செய்தார். இதனைத்தொடர்ந்து ஸ்காட்லாந்து அணி முதலாவது பேட்டிங் விளையாடியது. தொடக்க ஆட்டக்காரர்களாக களமிறங்கிய ஜார்ஜ் முன்சே 35 ரன்களும் மைக்கேல் ஜோன்ஸ் 2 ஆட்டமிழந்தனர். அடுத்து களமிறங்கிய அதிரடியாக விளையாடிய பிரண்டன் மேக்மூலன் 60 ரன்களில் ஆட்டமிழந்தார். அடுத்து களமிறங்கிய ரிச்சி பெர்ரிங்க்டன் 42 ரன்களும் மேத்வ் கிராஸ் 18 ரன்களிலும் ஆட்டமிழந்தனர். இறுதியில் அணியானது 20 ஓவர்கள் முடிவில் 5 விக்கெட்டுகள் இழந்து 180 ரன்கள் எடுத்தது.
பின்னர் 181 ரன்கள் எடுத்தால் வெற்றி என்ற இலக்குடன் ஆஸ்திரேலியா அணி இரண்டாவது பேட்டிங் விளையாடியது. தொடக்க ஆட்டக்காரர்களாக களமிறங்கிய 8 ரன்களிலும் டேவிட் வார்னர் 1 ரன்களிலும் ஆட்டமிழந்தனர். அடுத்து களமிறங்கிய மிட்செல் மார்ஷ் 8 ரன்களிலும் கிளென் மேக்ஸ்வெல் 11 ரன்களிலும் ஆட்டமிழந்தனர். கடைசியில் அதிரடி காட்டிய மார்கஸ் ஸ்டோனிஸ் 59 ரன்கள் எடுத்து அணியை வெற்றிப்பாதைக்கு வித்திட்டார். இறுதியில் அணியானது 19.4 ஓவர்கள் முடிவில் 5 விக்கெட்டுகள் இழந்து 186 ரன்கள் எடுத்து 5 விக்கெட்டுகள் வித்தியாசத்தில் அபார வெற்றி பெற்றது.