நண்பர் அஜித்குமாருக்கு வாழ்த்துக்கள்- துணை முதல்வர்

நடிகர் அஜித் குமாருக்கு துணை முதலமைச்சர் உதயநிதி ஸ்டாலின் X தளத்தில் வாழ்த்து பதிவிட்டுள்ளார்.

அந்த பதிவில், உலக அளவில் சிறப்புக்குரிய கார் பந்தயத்தில் பங்கேற்கவுள்ள நண்பர் அஜித்குமாருக்கு மனமார்ந்த வாழ்த்துக்கள். தமிழ்நாட்டு விளையாட்டு துறையின் Logo-வை ‘அஜித்குமார் ரேசிங்’ யூனிட்டின், கார், ஹெல்மெட் மற்றும் பந்தயம் தொடர்பான உபகரணங்களில் காட்சிப்படுத்தியிருப்பது மட்டற்ற மகிழ்ச்சி அளிக்கிறது. திராவிட மாடல் அரசு செயல்படுத்தி வரும் மக்கள் நலத்திட்டங்கள் – சென்னை கார் பந்தயம் போன்ற முன்னெடுப்புகளை வாழ்த்தியதற்கு நன்றி.

விளையாட்டுத்துறையில் தமிழ்நாட்டை உலக அரங்கில் உயர்த்திட ஒன்றிணைந்து செயல்படுவோம். கார்பந்தய போட்டியில் வென்று தமிழ்நாட்டுக்கு நீங்கள் பெருமை சேர்த்திட வாழ்த்துகள் என தெரிவித்துள்ளார்.