உலக கோப்பை கிரிக்கெட்- இந்தியா, ஆஸ்திரேலியா வீரர்கள் வருகை
சேப்பாக்கம் மைதானத்தில் அக். 8ம் தேதி நடக்கவுள்ள உலக கோப்பை கிரிக்கெட் போட்டியில் பங்கேற்க இந்தியா – ஆஸ்திரேலியா அணிகள் சென்னை வருகை தந்துள்ளனர். வீரர்களுக்கு சென்னை விமான நிலையத்தில் ரசிகர்கள் உற்சாக வரவேற்பு அளித்தனர்.
கிரிக்கெட் ரசிகர்களின் பெரும் எதிர்பார்ப்புக்கு மத்தியில் 2023 -ஆம் ஆண்டிற்கான கிரிக்கெட் உலக கோப்பை போட்டி நாளை அகமதாபாத்தில் இங்கிலாந்து vs நியூசிலாந்த் அணிகளுக்கு இடையே போட்டி தொடங்குகிறது. அதேபோல் இந்தியாவில் உள்ள பல்வேறு மாநிலங்களில் உலககோப்பை போட்டியானது நடைபெற இருக்கிறது. அதனைத் தொடர்ந்து சென்னையில் மட்டும் நான்கு போட்டிகள் நடைபெற இருப்பதால் சர்வதேச தரத்திற்கு சென்னை சேப்பாக்கம் மைதானம் தயாராகி வருகிறது.
வருகிற அக்டோபர் 08 ஆம் தேதி சென்னை சேப்பாக்கத்தில் இருக்கக்கூடிய எம்.ஏ.சிதம்பரம் மைதானத்தில் நடைபெற இருக்கிற இந்தியா vs ஆஸ்திரேலியா இடையான போட்டிக்கு ஏராளமான ரசிகர்கள் மைதானத்திற்கு நேரில் வந்து போட்டியை கண்டுகளிக்க இருப்பதாலும் அதேபோல் சர்வதேச கிரிக்கெட் வீரர்கள் மைதானத்திற்கு வர இருப்பதாலும் தொடர்ந்து மைதானத்தை தூய்மைப்படுத்தும் பணி நடைபெற்று வருகிறது. அதன் தொடர்ச்சியாக விளையாட்டு மைதானத்திற்கு வெளியே இருக்கக்கூடிய மதில் சுவரில் வண்ணம் பூசும் பணியும் தொடங்கியுள்ளது.