ஐபிஎல் 6வது போட்டியில் சென்னை சூப்பர் கிங்ஸ் vs லக்னோ சூப்பர் ஜெயண்ட்ஸ் – சேப்பாக்கம் எம்.ஏ.சிதம்பரம் ஸ்டேடியம், சென்னை
இன்றைய ஐபிஎல் போட்டியில் வெற்றி யாருக்கு? பிட்ச் நிலவரம்!
இன்றைய ஐபிஎல் போட்டியில் லக்னோ சூப்பர் ஜெயன்ட் மற்றும் சென்னை சூப்பர் கிங்ஸ் அணியில் இடம் பெறும் வீரர்களின் விவரங்கள் மற்றும் சென்னை மற்றும் லக்னோ நேருக்கு நேர் மோதிய ஆட்டத்தின் விவரங்கள் அனைத்தையும் தெரிந்துக்கொள்ளுங்கள்.
இந்த வருட ஐபிஎல் 2023 தொடரில் கே.எல் ராகுல் தலைமையிலான லக்னோ சூப்பர் ஜெயன்ட் அணியின் முதல் போட்டியில் டெல்லி கேப்பிட்டல் அணியை வீழ்த்தி வெற்றி உற்சாகத்தில் இருக்கிறது.
அதேநேரத்தில் எம்.எஸ் தோனியின் தலைமையிலான சென்னை சூப்பர் கிங்ஸ் அணி தனது முதல் போட்டியில் ஐந்து விக்கெட் வித்தியாசத்தில் குஜராத் அணியிடம் தோல்வியை தழுவியுள்ளது.
இன்று(03.04.2023) CSK vs LSG இரு அணிகளும் இரவு 7:30 மணிக்கு களமிறங்க உள்ளது.
மீண்டும் வெற்றியை தொடர வேண்டும் என்ற முனைப்பில் லக்னோ அணியும், இந்த ஆட்டத்தில் தோல்வியை வெற்றியாக மாற்ற வேண்டும் என்ற முனைப்பில் சென்னை அணியும் களத்தில் சந்திக்க உள்ளதால், இன்றைய போட்டி மிகவும் விறுவிறுப்பாக இருக்கும் என்பதால் ரசிகர்கள் மிகுந்த எதிர்பார்ப்புடன் உள்ளனர்.
மேலும் நீண்ட நாட்களுக்கு பிறகு சென்னை அணி தனது சொந்த மண்ணில் சேப்பாக்கம் எம்.ஏ.சிதம்பரம் மைதானத்தில் விளையாட உள்ளதால், சென்னை ரசிகர்கள் மிகுந்த எதிர்பார்ப்பில் உள்ளனர்.