கொல்கத்தா அணியின் ஆதிக்கம் தொடருமா? – குஜராத் அணியுடன் இன்று மோதல்!

17வது ஐபிஎல் கிரிக்கெட் சீசனில் இன்று நடைபெறும் ஆட்டத்தில் குஜராத்VSகொல்கத்தா அணிகள் பலப்பரீட்சை நடத்துகின்றன.

17வது ஐபிஎல் கிரிக்கெட் தொடர் கடந்த மார்ச் மாதம் 22ம் தேதி தொடங்கியது. இதுவரை 62 லீக் போட்டிகள் நடந்துள்ளன. இன்று 63வது லீக் போட்டி நடைபெறுகிறது. அகமதாபாத்தில் உள்ள நரேந்திர மோடி மைதானத்தில் இன்று இரவு 7.30 மணிக்கு நடைபெறும் 63வது லீக் போட்டியில் சுப்மான் கில் தலைமையிலான குஜராத் டைட்டன்ஸ் அணியும் ஸ்ரேயர்ஸ் அய்யர் தலைமையிலான கொல்கத்தா நைட் ரைடர்ஸ் அணிகளும் பலப்பரீட்சை நடத்துகின்றன. குஜராத் அணியை பொறுத்தவரை இதுவரை விளையாடியுள்ள 12 போட்டிகளில் 5 வெற்றி 7 தோல்வியுடன் புள்ளிப்பட்டியலில் 8வது இடத்திலுள்ளது. கொல்கத்தா அணியை பொறுத்தவரை இதுவரை விளையாடியுள்ள 12 போட்டிகளில் 9 வெற்றி 3 தோல்விகளுடன் புள்ளிப்பட்டியலில் முதலாவது இடத்திலுள்ளது.

இவ்விரு அணிகளும் இதுவரை 3 போட்டிகளில் நேருக்கு நேர் மோதியுள்ளன. இதில் குஜராத் அணி 2 முறையும் அணி கொல்கத்தா அணி 1 முறையும் முறையும் வெற்றி பெற்றுள்ளன. தொடர்ச்சியாக 3 போட்டிகளில் தோல்வியடைந்த குஜராத் அணி கடைசியாக நடைபெற்ற ஆட்டத்தில் சென்னை அணியை வீழ்த்தி வெற்றி பெற்றிருந்தது குறிப்பிடத்தக்கது. அதே போல் கொல்கத்தா அணி தொடர்ச்சியாக 4 போட்டிகளில் வெற்றி பெற்று ஆதிக்கம் செலுத்தியுள்ளது. இப்போட்டியில் வெற்றி பெற இரு அணிகளும் மல்லுக்கட்டும் என்பதால் போட்டியில் விறுவிறுப்புக்கு பஞ்சம் இருக்காது.