அமெரிக்கா அணிக்கு எதிரான போட்டியில் இந்திய அணி டாஸ் வென்று பந்துவீச்சை தேர்வு செய்தது.
அமெரிக்கா மற்றும் வெஸ்ட் இண்டீஸ் இணைந்து நடத்தும் உலக கோப்பை டி20 தொடர் கடந்த 2-ந் தேதி கோலாகலமாகத் தொடங்கியது. இந்த தொடரில் முதலாவது லீக் ஆட்டம் கடந்த 2-ந் தேதி தொடங்கியது. இந்நிலையில் இன்று நடைபெறும் 25வது லீக் ஆட்டத்தில் இந்தியா மற்றும் அமெரிக்கா அணிகள் பலப்பரீட்சை நடத்துகின்றன. இதில் இந்திய அணி ரோகித் சர்மா தலைமையிலும் அமெரிக்கா அணியானது மோனக் பட்டேல் தலைமையில் களம் காண்கின்றன. இந்த ஆட்டமானது அமெரிக்காவில் உள்ள நியூயார்க்கின் நாசாவ் கவுண்டி மைதானத்தில் இன்று இரவு 8 மணிக்கு தொடங்குகிறது. இவ்விரு அணிகளும் இதுவரை 2 ஆட்டங்களில் வெற்றி பெற்றுள்ளன. இந்நிலையில் மூன்றாவது வெற்றியை பெற இரு அணிகளும் மல்லுக்கட்டும் என்பதால் இப்போட்டியில் விறுவிறுப்புக்கு பஞ்சம் இருக்காது.
இப்போட்டியில் டாஸ் வென்ற இந்திய அணியின் கேப்டன் ரோகித் சர்மா முதலில் பந்துவீச்சை தேர்வு செய்தார். இதனைத்தொடர்ந்து அமெரிக்கா அணி முதலாவது பேட்டிங் விளையாடவுள்ளது. தற்போது வரை அணியானது 8 ஓவர்கள் முடிவில் 3 விக்கெட்டுகள் இழந்து 26 ரன்கள் எடுத்து திணறி வருகிறது.