இந்தியா மற்றும் ஆப்கானிஸ்தான் அணிகளுக்கு இடையிலான முதல் டி20 போட்டி இன்று இரவு நடைபெறவுள்ளது.
தென் ஆப்ரிக்காவில் சுற்றுப்பயணத்தை நிறைவு செய்த இந்திய அணி தற்போது தாயகம் திரும்பியுள்ளது. தென் ஆப்ரிக்காவில் மொத்த மூன்று தொடரில் இந்திய அணி விளையாடியது. அதில் டி20 தொடர் சமனில் முடிவடைந்த நிலையில், ஒருநாள் தொடரை இந்திய அணி கைப்பற்றியது. இதனையடுத்து நடைபெற்ற டெஸ்ட் தொடரிலும் இந்தியா மற்றும் தென் ஆப்ரிக்க அணிகள் தலா ஒரு போட்டியில் வெற்றி பெற்ற நிலையில், அந்த தொடரும் சமனில் முடிந்தது. இதனையடுத்து இந்திய அணி தாயகம் திரும்பியது.
இந்த நிலையில், இந்திய அணி ஆப்கானிஸ்தான் அணியுடனான டி20 தொடரில் மோதவுள்ளது. இந்தியா-ஆப்கானிஸ்தான் அணிகளுக்கு இடையே மொத்தம் 3 டி20 போட்டிகள் நடைபெறவுள்ளன. முதல் போட்டி மொஹாலியில் உள்ள மைதானத்தில் இன்று இரவு 7 மணிக்கு தொடங்குகிறது. வருகிற ஜூன் மாதம் டி20 உலக கோப்பை தொடர் நடைபெறவுள்ள நிலையில், இந்த தொடருக்கு தயாராக ஆப்கானிஸ்தான் அணிக்கு எதிரான தொடர் உதவும் எனபதால் இந்திய அணி இந்த தொடரில் வெற்றி பெற தீவிரம் காட்டும் என எதிர்ப்பார்க்கப்படுகிறது.