தற்போதைய பார்டர் கவாஸ்கர் டிராபியில் இந்திய அணியின் நட்சத்திர வீரர் விராட் கோலி, ஐந்து இன்னிங்ஸ்களில் விளையாடியுள்ளார். இருந்தும், ஒரு இன்னிங்ஸைத் தவிர, நான்கு இன்னிங்ஸ்களையும் நினைவில் வைத்துக் கொள்ளும் வகையில் அவர் விளையாடவில்லை.
பெர்த் டெஸ்டின் இரண்டாவது இன்னிங்சில் மட்டும் சிறப்பாக விளையாடி கோஹ்லி சதம் அடித்தார். ஆனால் அந்த போட்டியில் இந்தியா அணி வலுவான ஸ்கோரில் இருந்தது. இது தவிர, தொடரில் அவரிடமிருந்து இந்தியா அணி பெரிய இன்னிங்ஸை எதிர்பார்த்த போதெல்லாம், அவர் ஏமாற்றத்தை மட்டுமே தந்துள்ளார்.
கடந்த ஐந்து ஆண்டுகளாக விராட் மோசமான ஃபார்மில் இருந்து வருகிறார். இந்த காலகட்டத்தில், அவர் மூன்று சதங்களை மட்டுமே அடித்துள்ளார். அதுவும் இந்தியா நெருக்கடிகளில் இல்லாதபோது மட்டுமே அவர் சதம் அடித்துள்ளார். கடந்த ஐந்து ஆண்டுகளில், விராட் கோலி ஒவ்வொரு முறையும் கடினமான சூழ்நிலைகளில் அவுட் ஆகிவிடுவார்.
கபாவில் நடந்து வரும் மூன்றாவது டெஸ்ட் போட்டியின் முதல் இன்னிங்ஸிலும் இதேதான் நடந்தது. கடந்த ஐந்து ஆண்டுகளுக்குப் பிறகு அவர் முதல் சதம் அடித்தபோது, இந்திய அணி 187 ரன்களுக்கு இரண்டு விக்கெட்டுகளை இழந்த பிறகு அவர் பேட்டிங் செய்ய வந்தார். அவர் தனது இரண்டாவது சதத்தை அடித்தபோது, இந்திய அணி 153 ரன்களுக்கு 2 விக்கெட்டுகளை இழந்த பிறகு அவர் பேட்டிங் செய்ய வந்தார்.
சமீபத்தில், பெர்த்தில் அவர் சதம் அடித்தபோது, 275 ரன்களில் இரண்டு விக்கெட்டுகள் இழந்த பிறகு மைதானத்திற்கு வந்தார். இந்த மூன்று இன்னிங்சிலும் அவர் மொத்தம் 407 ரன்கள் எடுத்தார்.
விராட் கோலியின் சராசரி கடந்த 5 ஆண்டுகளில் 31 ஆக உள்ளது. டெஸ்ட் போட்டிகளில் விராட் கோலியின் சராசரி தற்போது 47.7 ஆக உள்ளது. அதேவேளை சில நேரங்களில் அவரது சராசரி 50க்கு மேல் இருக்கும். ஆனால் கடந்த ஐந்து ஆண்டுகளில் அவரது சராசரி 31 ஆக இருந்தது மிகவும் ஏமாற்றம் அளிக்கிறது. அவரது மூன்று சதங்கள் இன்னிங்ஸ் தவிர்த்து, கடந்த 5 ஆண்டுகளில் 62 டெஸ்ட் இன்னிங்ஸ்களில் 9 அரை சதங்கள் உதவியுடன் 1557 ரன்கள் எடுத்தார். அவரது சராசரி 25.95.
ஒட்டு மொத்தமாக, விராட் கோலி கடந்த ஐந்து ஆண்டுகளில் தனது டெஸ்ட் வாழ்க்கையில் 65 இன்னிங்ஸ்களில் 1964 ரன்கள் எடுத்துள்ளார். அவரது சராசரி 31.67 ஆக உள்ளது.