துருவ் விக்ரமை இயக்கும் சுதா கொங்கரா… படப்பிடிப்பு அப்டேட் இதோ…

நடிகர் விக்ரமின் மகனான துருவ் விக்ரம், கடந்த 2019 ஆம் ஆண்டு வெளியான ஆதித்ய வர்மா என்ற திரைப்படத்தின் மூலம் கதாநாயகனாக அறிமுகமானவர். இதைத்தொடர்ந்து தனது அடுத்த படமான மகான் படத்தில் நடிகர் விக்ரமுடன் இணைந்து நடித்திருந்தார்.இவருக்கு இந்த இரு படங்களுமே ஓரளவிற்கு நல்ல வரவேற்பை பெற்று தந்தது. மகான் திரைப்படத்தில் துருவ் விக்ரம் மற்றும் விக்ரமுடன் பாபி சிம்ஹா, சிம்ரன் ஆகியோரும் முக்கிய கதாபாத்திரத்தில் நடித்திருந்தனர்.

இதைத் தொடர்ந்து தற்போது முன்னணி இயக்குநரான மாரி செல்வராஜ் இயக்கும் புதிய திரைப்படத்தில் துருவ் விக்ரம் நடித்து வருகிறார். இப்படத்திற்கு பைசன் என்று தலைப்பு வைக்கப்பட்டுள்ளது. இதில் அனுபமா பரமேஸ்வரன் நாயகியாக நடிக்கிறார். பா ரஞ்சித் படத்தை தயாரிக்கிறார். இப்படத்தின் படப்பிடிப்பு விறுவிறுப்பாக நடைபெற்று வருகிறது.

இந்நிலையில், துருவ் விக்ரமை வைத்து சுதா கொங்கரா புதிய திரைப்படத்தை இயக்க இருக்கிறார். காதல் கதைக்களத்தில் இப்படம் உருவாக இருக்கிறதாம். படத்தை லைகா நிறுவனம் தயாரிக்க உள்ளதாக கூறப்படுகிறது. மேலும், வரும் நவம்பர் மாதம் இத்திரைப்படத்தின் படப்பிடிப்பு தொடங்கும் என்றும், விரைவில் அதிகாரப்பூர்வ தகவல் வெளியாகும் என்றும் தகவல் கசிந்துள்ளது.