2022-2023ம் கல்வி ஆண்டிற்கான 10ம் வகுப்பு பொதுத் தேர்வு வரும் ஏப்ரல் 6ம் தேதி தொடங்க உள்ள நிலையில் அதற்கான அறிவியல் பாட செய்முறைத் தேர்வுகள் மார்ச் 20 முதல் 24-ம் தேதி வரை நடைப்பெற உள்ளது.
தனித்தேர்வர்களுக்கு பயிற்சி வகுப்புகள் நடத்தப்பட்ட பள்ளிகளிலேயே செய்முறைத் தேர்வுகள் நடைபெறும் என்றும் தெரிவித்துள்ளனர்.
தேர்வுத்துறை இயக்குநர் சா.சேதுராம வர்மா வெளியிட்ட செய்திக் அறிக்கையில் கூறியதாவது,
தமிழகத்தில் 10ம் வகுப்புக்கான பொதுத்தேர்வு வரும் ஏப்ரல் 6ம் தேதி முதல் 20ம் தேதி வரை நடைபெற உள்ளது. இந்த தேர்வுக்கு விண்ணப்பித்த தனித்தேர்வர்களுக்கான (தட்கல் உள்பட) ஹால் டிக்கெட் நாளை வெளியிடப்பட உள்ளது.
இதையடுத்து தேர்வர்கள் www.dge.tn.gov.in என்ற இணையதளத்தில் சென்று விண்ணப்ப எண், பிறந்த தேதியை உள்ளிட்டவை நிரப்பி பதிவிறக்கம் செய்து கொள்ளலாம் என்று தெரிவித்துள்ளனர்.
மேலும், 10-ம் வகுப்புக்கான அறிவியல் பாடத்திற்கான செய்முறைத் தேர்வுகள் மார்ச் 20ம் தேதி முதல் 24ம் தேதி வரை நடைபெற உள்ளது. தனித்தேர்வர்களுக்கு பயிற்சி வகுப்புகள் நடத்தப்பட்ட பள்ளிகளிலேயே செய்முறைத் தேர்வுகள் நடைபெறும் என்று அறிவிக்கப்பட்டுள்ளது.