ஆவடி யார்டு பகுதியில் பராமரிப்புப் பணிகள் நடைபெற்று வருவதால் சென்னை கடற்கரை- அரக்கோணம் இடையேயான மின்சார ரயில் சேவையில் மாற்றம் செய்யப்பட்டுள்ளது. அதேபோல், ஐந்து புறநகர் ரயில் சேவைகள் முற்றிலுமாக ரத்துச் செய்யப்பட்டன.
மூடப்படும் உதயம் திரையரங்கம்…… வருத்தம் தெரிவித்த வைரமுத்து!
இரவு 11.55 மணிக்கு சென்னை கடற்கரையில் இருந்து பட்டாபிராம் வரை செல்லும் மின்சார ரயில் இன்று (பிப்.15), நாளை (பிப்.16) முழுவதுமாக ரத்துச் செய்யப்படவுள்ளதாக தெற்கு ரயில்வே அறிவித்துள்ளது. அதேபோல், இரவு 11.55 மணிக்கு பட்டாபிராமில் இருந்து புறப்பட்டு ஆவடி செல்லும் ரயில் செல்லும் இன்றும், நாளையும் ரத்துச் செய்யப்பட்டுள்ளது.
பட்டாபிராமில் இருந்து அதிகாலை 03.50 மணிக்கு புறப்பட்டு மூர் மார்க்கெட் வரை செல்லும் மின்சார ரயில்சேவை நாளை (பிப்.16) மற்றும் நாளை மறுநாள் (பிப்.17) ரத்துச் செய்யப்படவுள்ளதாக அறிவிக்கப்பட்டுள்ளது. அதேபோல், அதிகாலை 03.50 மணிக்கு ஆவடியில் இருந்து மூர் மார்க்கெட் வரை செல்லும் மின்சார ரயில் சேவை பிப்ரவரி 16, 17 ஆகிய தேதிகளில் முழுமையாக ரத்துச் செய்யப்பட்டுள்ளது.
கார்த்திக்கு தங்கையாக நடிக்கும் சிவகார்த்திகேயன் பட நடிகை!
மேலும் அதிகாலை 04.00 மணிக்கு ஆவடியில் இருந்து மூர் மார்க்கெட் வரை செல்லும் ரயில் சேவையும் பிப்ரவரி 16, 17 ஆகிய தேதிகளில் ரத்து செய்யப்பட்டுள்ளதாக அறிவிக்கப்பட்டுள்ளது. அதேநேரத்தில், இரவு 08.25 மணிக்கு பட்டாபிராம்- சென்னை கடற்கரை இடையே இயக்கப்படும் மின்சார ரயில் பகுதியாக ரத்துச் செய்யப்பட்டு, ஆவடியில் இருந்து சென்னை கடற்கரை வரை இன்றும், நாளையும் இயக்கப்படவுள்ளது.