ராமநாதபுரம் அருகே அரசுப்பேருந்தின் மீது கார் மோதிய விபத்தில் ஒரே குடும்பத்தை சேர்ந்த 5 பேர் பரிதாபமாக உயிரிழந்தனர்.
ராமநாதபுரம் மாவட்டம் ராமேசுவரம் அடுத்துள்ள தங்கச்சிமடத்தை சேர்ந்தவர் ராஜேஷ். நகை கடை உரிமையாளரான இவருக்கு திருமணமாகி பாண்டிசெலவி என்ற மனைவியும், தர்ஷாலா ரணி (8), பிரணவிகா (4) மற்றும் 3 மாத குழந்தை உள்ளனர். இந்த நிலையில் ராஜேஷ் தனது குழந்தைகள் மற்றும் மாமனார் – மாமியார் ஆகியோருடன் ராமநாதபுரத்தில் மருத்துவமனைக்கு சென்றுவிட்டு அதிகாலை தங்கச்சிமடத்திற்கு திரும்பி கொண்டிருந்தார்.
உச்சிப்புளி அடுத்த பிரப்பன்வலசை பகுதியில் தேசிய நெடுஞ்சாலையில் சென்றபோது, சாலையோரம் நின்ற அரசுப்பேருந்தின் மீது கார் அதிவேகமாக மோதியது. இந்த விபத்தில் ராஜேஷ், அவரது 2 மகள்கள் மற்றும் மாமனார் – மாமியார் சம்பவ இடத்திலேயே பரிதாபமாக உயிரிழந்தனர். கார் ஓட்டுநர் சபரி பிரிட்டோ, ராஜேஸ் மனைவி பாண்டிச் செல்வி, அவரது 3 மாத குழந்தை ஆகியோர் லேசான காயங்களுடன் உயிர் தப்பினர். விபத்தில் பலியானவர்களின் உடல்களை கைப்பற்றி உச்சிப்புளி போலீசார் விசாரணை மேற்கொண்டு வருகின்றனர்.