அ.தி.மு.க. மாவட்டச் செயலாளர்கள் கூட்டம் அக்கட்சியின் பொதுச்செயலாளர் எடப்பாடி பழனிசாமி தலைமையில் தொடங்கியது.
“தமிழகத்தில் பொதுத்தேர்வு தேதிகளில் மாற்றம் இல்லை”- அமைச்சர் அன்பில் மகேஷ் பொய்யாமொழி திட்டவட்டம்!
சென்னை ராயப்பேட்டையில் உள்ள அ.தி.மு.க. கட்சியின் தலைமை அலுவலகமான எம்.ஜி.ஆர். மாளிகையில் அ.தி.மு.க. பொதுச்செயலாளரும், தமிழ்நாடு எதிர்க்கட்சித் தலைவருமான எடப்பாடி பழனிசாமி தலைமையில் கட்சியின் மாவட்டச் செயலாளர்கள் கூட்டம் இன்று (ஜன.09) காலை 11.00 மணிக்கு தொடங்கி நடைபெற்று வருகிறது.
கூட்டத்தில், கட்சியின் மூத்த நிர்வாகிகள், முன்னாள் அமைச்சர்கள், கட்சியின் அமைப்புச் செயலாளர்கள், சட்டமன்ற உறுப்பினர்கள், நாடாளுமன்ற உறுப்பினர்கள் உள்ளிட்டோர் கலந்து கொண்டுள்ளனர்.
வருகிற நாடாளுமன்ற மக்களவைத் தேர்தல் குறித்தும், தேர்தல் கூட்டணி குறித்தும், கட்சியின் வேட்பாளர்கள் தேர்வு குறித்தும் எடப்பாடி பழனிசாமி கட்சியின் நிர்வாகிகள், மாவட்டச் செயலாளர்களுடன் ஆலோசனை நடத்தி வருவதாக தகவல் வெளியாகியுள்ளது.
“நம்பிக்கைத் தரும் ஒளிக்கீற்றாகத் தீர்ப்பு”- முதலமைச்சர் மு.க.ஸ்டாலின் ட்வீட்!
முன்னதாக கட்சியின் அலுவலகத்தில் உள்ள முன்னாள் முதலமைச்சர்கள் எம்.ஜி.ஆர்., ஜெயலலிதா ஆகியோரின் சிலைகளுக்கு மாலை அணிவித்தும், மலர்தூவியும் எடப்பாடி பழனிசாமி மரியாதைச் செலுத்தினார்.