கிறிஸ்துமஸ் பண்டிகையையொட்டி, சென்னையில் இருந்து பல்வேறு நகரங்களுக்கு சிறப்பு வந்தே பாரத் ரயில் மற்றும் சிறப்பு ரயில்கள் இயக்கப்படும் என்று தெற்கு ரயில்வே அறிவித்துள்ளது.
“கொரோனா பரவலைத் தடுக்க நடவடிக்கை தேவை”- ஓ.பன்னீர்செல்வம் வலியுறுத்தல்!
இது தொடர்பாக, தெற்கு ரயில்வே வெளியிட்டுள்ள அறிவிப்பில், “கிறிஸ்துமஸ் பண்டிகையையொட்டி, டிச.25- ஆம் தேதி அதிகாலை 04.30 மணிக்கு சென்னை சென்ட்ரலில் இருந்து கோழிக்கோடுக்கு சிறப்பு வந்தே பாரத் ரயில் இயக்கப்படும் என்று தெற்கு ரயில்வே அறிவித்துள்ளது. இந்த வந்தே பாரத் ரயில், பெரம்பூர், காட்பாடி, சேலம், ஈரோடு, திருப்பூர் உள்ளிட்ட ரயில் நிலையங்களில் நின்றுச் செல்லும். இந்த சிறப்பு வந்தே பாரத் ரயிலுக்கான டிக்கெட் முன்பதிவு தொடங்கப்பட்டுள்ளது.
“சென்னையில் இருந்து அயோத்திக்கு விமான சேவை”- இண்டிகோ ஏர்லைன்ஸ் அறிவிப்பு!
அதேபோல், நாகர்கோவிலில் இருந்து சென்னைக்கு சிறப்பு ரயில் இயக்கப்படவுள்ளது. டிசம்பர் 25- ஆம் தேதி இரவு 11.30 மணிக்கு நாகர்கோவிலில் இருந்து புறப்படும் சிறப்பு ரயில், மறுநாள் மதியம் 12.15 மணிக்கு சென்னையை வந்தடையும். இந்த சிறப்பு ரயில், நெல்லை, மதுரை, திருச்சி, விழுப்புரம், செங்கல்பட்டு உள்ளிட்ட ரயில் நிலையங்களில் நின்றுச் செல்லும்” எனத் தெரிவிக்கப்பட்டுள்ளது.