நாடாளுமன்ற தேர்தலுக்கான வாக்கு எண்ணிக்கை தொடங்கி நடைபெற்று வரும் நிலையில், தமிழகத்தில் திமுக கூட்டணி 21 இடங்களில் முன்னிலை வகித்து வருகிறது.
18வது மக்களவை தேர்தல் கடந்த ஏப்ரல் 19-ந் தேதி முதல் ஜூன்1-ந் தேதி வரை 7 கட்டங்களாக நடந்து முடிந்தன. 96 கோடி வாக்காளர்களில் 64 கோடி பேர் தங்களது ஜனநாயக கடைமையை ஆற்றினர். மொத்தமுள்ள 543 தொகுதிகளில் 542 தொகுதிகளுக்கு 7 கட்டங்களாக வாக்குப்பதிவு நடைபெற்றது. குஜராத் மாநிலம் சூரத் தொகுதியில் பா.ஜனதா வேட்பாளர் போட்டியின்றி தேர்வு செய்யப்பட்டார். இந்த நாடாளுமன்ற தேர்தலுடன் ஆந்திரா, ஒடிசா, அருணாசலபிரதேசம், சிக்கிம் ஆகிய 4 மாநில சட்டமன்றங்களுக்கும் தேர்தல் நடைபெற்றது. இந்நிலையில் இன்று காலை 8 மணிக்கு வாக்கு எண்ணிக்கை தொடங்கியது. முதலாவதாக தபால் வாக்குகள் எண்ணப்பட்டு அறிவிக்கப்பட்டன.
இந்த நிலையில், தமிழகத்தில் திமுக கூட்டணி 21 இடங்களில் முன்னிலை வகித்து வருகிறது. வாக்கு எண்ணிக்கையின் தொடக்கம் முதலே திமுக கூட்டணி தொடர்ந்து முன்னிலையில் உள்ளது. திமுக வேட்பாளர்கள் கனிமொழி, தயாநிதி மாறன் உள்ளிட்டோர் முன்னிலையில் உள்ளனர். இதேபோல் மதுரை நாடாளுமன்ற தொகுதியில் திமுக கூட்டணி வேட்பாளர் சு.வெங்கடேசன் முன்னிலையில் உள்ளார்.