வரும் நவம்பர் 1ஆம் தேதி முதல் புதிய படங்களை தொடங்க வேண்டாம் என தமிழ் திரைப்பட தயாரிப்பாளர் சங்கம் உத்தரவிட்டுள்ளது.
இது தொடர்பாக தமிழ் திரைப்பட தயாரிப்பாளர்கள் சங்கம் வெளியிட்டுள்ள அறிக்கையில் கூறியிருப்பதாவது:- தயாரிப்பாளர்கள் சங்கம் சார்பில் ஏற்கனவே வெளியிட்ட அறிக்கையில் தயாரிப்பு செலவு அதிகரித்து தயாரிப்பாளர்களுக்கு கூடுதல் சுமை ஏற்படுவதால் திரைத்துறை சார்ந்த அனைத்து சங்கங்களுடன்
பேச்சுவார்த்தை நடத்தி மறுசீரமைப்பு ஏற்படுத்துவதற்கு ஏதுவாக
தயாரிப்பில் இருக்கும் படங்களின் படப்பி டிப்பு மட்டும் நடத்தப்பட
வேண்டும். நவம்பர் மா தம் 1-ஆம் தேதி முதல் புதிய படங்களை தொடங்க வேண்டாம் என்று சொல்லி இருந்தோம்.
தென்னிந்திய நடிகர் சங்கம் மற்றும் 24 சங்கங்களை உள்ளடக்கிய பெப்சியில் பல யூனியன்களிடம் நடத்திய பேச்சுவார்த்தை சுமூகமாக வந்துள்ளது. இன்னும் சில யூனியன்களிடம் பேச்சுவார்த்தை இறுதி கட்டத்தை அடைந்துள்ளது. அதை முழுமையாக பேச்சுவார்த்தை நடத்திட வேண்டியுள்ளது.
இவை அனைத்தும் முழுமையாக பேசி நடைமுறைக்கு கொண்டு வர
உள்ளதால் தயாரிப்பாளர்கள் சங்கத்தின் மறு அறிவிப்பு வரும் வரை
புதிய படங்களின் வேலைகளை துவங்க வேண்டாம் என்ற நிலைப்பாடு
தொடர்கிறது என்பதை தயாரிப்பாளர்களர்களுக்கு தெரியபடுத்தி
கொள்கிறோம். நமது ஒற்றுமையே தயாரிப்பு தொழிலை சிறப்புற செய்யும். ஒற்றுமையை வலிமையோடு நிலை நாட்டுவோம், இவ்வாறு அதில் தெரிவிக்கப்பட்டுள்ளது.