வேளாங்கண்ணி ஆரோக்கிய மாதா ஆலய திருவிழாவின் எதிரொலியாக 850 சிறப்பு பேரூந்துகள் இயக்கப்படும் என அரசு விரைவு போக்குவரத்து கழகம் அறிவித்துள்ளது.
ஆகஸ்ட் 25 முதல் செப்டம்பர் 11 ஆம் தேதி வரை 850 சிறப்பு பேரூந்துகள் இயக்கப்படும் என அரசு விரைவு போக்குவரத்து கழகம் தெரிவித்துள்ளது.
புனித ஆரோக்கிய மாதா ஆண்டு திருவிழா இந்த மாதம் ஆகஸ்டு 29-ந் தேதி கொடியேற்றத்துடன் தொடங்கி அடுத்த மாதம் செப்டம்பர் 8-ந் தேதி வரை நடக்கிறது. பேராலய திருவிழா காலங்களில் மக்கள் கூட்ட நெரிசல் இன்றி பேரூந்துகள் பயணம் செய்ய பல்வேறு போக்குவரத்து மண்டலங்களில் இருந்து போதுமான எண்ணிக்கையில் பேரூந்துகள் இயக்கப்படும்.
வேளாங்கண்ணி திருவிழாவை முன்னிட்டு நாளை முதல் செப்டம்பர் 11 ஆம் தேதி வரை 850 சிறப்பு பேரூந்துகள் இயக்கப்பட உள்ளது.
அரசு விரைவு போக்குவரத்துகழகம் வெளியிட்டுள்ள செய்திக் குறிப்பில் கூறப்பட்டதாவது…”தமிழ்நாடு அரசு போக்குவரத்துகழத்தின் சார்பாக வேளாங்கண்ணி புனித அன்னை ஆரோக்கிய மாதா ஆலய திருவிழாவை தொடர்ந்து சிறப்பு பஸ்கள் 25ஆம் தேதி முதல் செப்டம்பர் 11 ஆம் தேதி வரை இயக்கப்பட உள்ளது.
வேளாங்கண்ணி வரும் பக்தர்களின் வசதிக்காக தமிழ்நாடு அரசு விரைவு போக்குவரத்துகழத்தின் மூலம் சென்னை,பெங்களூர்,தூத்துக்குடி,மற்றும் நாகர்கோவில் ஆகிய பெருந்நகரங்களிலிருந்து சிறப்பு பேரூந்துகள் இயக்கப்பட உள்ளன.
தமிழ்நாடு அரசு போக்குவரத்துகழத்தின் மூலம் திருச்சி,தஞ்சாவூர்,சிதம்பரம்,புதுச்சேரி,திண்டுக்கல்,பட்டுக்கோட்டை,மணப்பாறை, ஓரியூர்,ஆகிய ஊர்களில் இருந்தும் வேளாங்கண்ணிக்கு மொத்தமாக 850 சிறப்பு பேரூந்துகள் இயக்கப்பட உள்ளதாக தெரிவித்துள்ளது.
பயணிகள் தொலைதூரங்களில் இருந்து இயக்கப்படும் அரசு விரைவுப் போக்குவரத்து கழக பேரூந்துகளில் முன்பதிவு செய்து வேளாங்கண்ணிக்கு பயணிக்கலாம்”,என்று தெரிவிக்கப்பட்டுள்ளது.