கன்னியாகுமரி மாவட்டம் நாகர்கோவிலில் காங்கிரஸ் வேட்பாளர் விஜய்வசந்தை ஆதரித்து அமைச்சர் உதயநிதி ஸ்டாலின் தேர்தல் பிரச்சாரம் மேற்கொண்டார்.
நாடாளுமன்ற தேர்தலை முன்னிட்டு நாடு முழுவதும் அரசியல் கட்சியினர் தீவிர தேர்தல் பிரச்சாரத்தில் ஈடுபட்டு வருகின்றனர். தமிழகத்தை பொறுத்தவரையில், திமுக, அதிமுக, பாஜக மற்றும் நாம் தமிழர் கட்சி என நான்கு முனை போட்டி நிலவி வருகிறது. திமுக சார்பில் அமைச்சர் உதயநிதி ஸ்டாலின், வேட்பாளர்களை ஆதரித்து தமிழக முழுவதும் சூறாவளி பிரசாரம் மேற்கொண்டு வருகிறார்.
திமுக இளைஞரணிச் செயலாளர் மற்றும் அமைச்சர் உதயநிதி ஸ்டாலின், கன்னியாகுமரி மக்களவைத் தொகுதியில் போட்டியிடும் காங்கிரஸ் பேரியக்கத்தின் வெற்றி வேட்பாளர் சகோதரர் @iamvijayvasanth அவர்களை ஆதரித்து நாகர்கோவில் பகுதியில் இன்று பிரச்சாரம் மேற்கொண்டார். 3 ஆண்டுகளில் நமது மாண்புமிகு முதலமைச்சர் அவர்களின் திராவிட மாடல் அரசு செய்துள்ள சாதனைகளையும் – 10 ஆண்டுகளாக எதுவும் செய்யாமல் தேர்தல் நேரத்தில் மட்டும் தமிழ்நாட்டையே சுற்றி சுற்றி வரும் பாசிச கூட்டத்தின் வேதனைகளையும் எடுத்துக் கூறி “கை” சின்னத்திற்கு ஆதரவு திரட்டினோம்.