அரக்கோணம் ரயில் நிலையத்தில் சிக்னல் கோளாறு…  மின்சார ரயில்கள் இயக்கப்படாததால் பயணிகள் அவதி!

அரக்கோணம் ரயில் நிலையத்தில் சிக்னல் கோளாறு காரணமாக ஒரு மணி நேரத்திற்கு மேலாக ரயில்கள் இயக்கப்படாததால் பயணிகள் அவதிக்குள்ளாகியுள்ளனர்.

ராணிப்பேட்டை மாவட்டம் அரக்கோணம் ரயில் நிலையத்திலிருந்து சென்னை செல்லக்கூடிய மார்க்கத்தில் தண்டவாள இணைப்பில் ஏற்பட்ட கோளாறு காரணமாக ஒட்டுமொத்தமாக சிக்னல் பழுது ஏற்பட்டுள்ளது. இதன் காரணமாக அரக்கோணத்தில் இருந்து சென்னை செல்லக்கூடிய அனைத்து மின்சார ரயில்களும் இயக்கப்படாமல் உள்ளன.

இதனால் அரக்கோணத்தில் இருந்து சென்னைக்கு பணிக்காக செல்பவர்கள் உள்ளிட்ட ரயில் பயணிகள் கடும் அவதிக்குள்ளாகியுள்ளனர். மேலும் ஆத்திரமடைந்த ரயல் பயணிகள் ரயில் நிலைய மேலாளர் அலுவலகத்தை முற்றுகையிட்டு அதிகாரிகளுடன் வாக்குவாதத்தில் ஈடுபட்டதால் பரபரப்பு ஏற்பட்டுள்ளது.