சுதந்திர தினம் மற்றும் வார இறுதி நாட்களில் பயணிகளின் கூட்ட நெரிசலைக் குறைக்கும் விதமாக ஆகஸ்ட் 18, 25 ஆகிய தேதிகளில் நாகர்கோவில் – தாம்பரம் இடையே சிறப்பு ரயில் இயக்கப்பட உள்ளதாக தெற்கு ரயில்வே அறிவித்துள்ளது.
இது தொடர்பாக தெற்கு ரயில்வே வெளியிட்டுள்ள அறிவிப்பில், நாகர்கோவில் – தாம்பரம் இடையே ஆகஸ்ட் 18, 25 ஆகிய தேதிகளில் சிறப்பு ரயில் இயக்கப்பட உள்ளதாக தெரிவிக்கப்பட்டுள்ளது. நாகர்கோவிலில் இருந்து இரவு 11.15 மணிக்கு புறப்படும் சிறப்பு ரயில், மறுநாள் காலை 11.15 மணிக்கு தாம்பரத்தை வந்தடையும். இதேபோல் தாம்பரம் – நாகர்கோவில் இடையே ஆகஸ்ட் 19,26 ஆகிய தேதிகளில் சிறப்பு ரயில் இயக்கப்படும் என அறிவிக்கப்பட்டுள்ளது. தாம்பரத்தில் இருந்து மாலை 3.30 மணிக்கு புறப்படும் சிறப்பு ரயில், மறுநாள் காலை 3.45 மணிக்கு நாகர்கோவிலை வந்தடையும் என தெரிவிக்கப்பட்டுள்ளது.
இதேபோல், திருநெல்வேலி -செங்கல்பட்டு இடையே ஆகஸ்ட் 13,18 ஆகிய தேதிகளில் சிறப்பு ரயில் இயக்கப்படும் என தெற்கு ரயில்வே தெரிவித்துள்ளது. நெல்லையிலிருந்து இரவு 10.50 மணிக்கு புறப்படும் சிறப்பு ரயில் மறுநாள் காலை 11 மணிக்கு செங்கல்பட்டு வந்தடையும். மறுமார்க்கத்தில் செங்கல்பட்டு – நெல்லை இடையே ஆகஸ்ட் 14, 19 ஆகிய தேதிகளில் சிறப்பு ரயில் இயக்கப்படும் என்றும், செங்கல்பட்டிலிருந்து மாலை 5.55 மணிக்கு புறப்படும் சிறப்பு ரயில், மறுநாள் காலை 5.50 மணிக்கு நெல்லையை சென்றடையும் என்றும் தெற்கு ரயில்வே தெரிவித்துள்ளது.