பள்ளத்தில் கவிழ்ந்த சுற்றுலா பேருந்து- 8 பேர் பலி
குன்னூர் மரப்பாலம் அருகே 50 அடி பள்ளத்தில் சுற்றுலா பேருந்து கவிந்த விபத்தில் 8 பேர் உயிரிழந்தனர்.
நீலகிரி மாவட்டம் குன்னூர் மேட்டுபாளையம் தேசிய நெடுஞ்சாலையில் தென்காசியில் இருந்து உதகையை சுற்றி பார்த்து திரும்பிய தனியார் சுற்றுலா பேருந்து மரப்பாலம் அருகே கவிழ்ந்த விபத்துக்குள்ளானது. பேருந்தில் 54 பேர் பயணித்ததாக தெரிகிறது. விபத்தில் 8 பேர் உயிரிழந்த நிலையில், 30-க்கும் மேற்பட்டோர் மருத்துவமனையில் அனுமதிக்கப்பட்டுள்ளனர். உயிருக்கு ஆபத்தான நிலையில் உள்ள 2 பேருக்கு குன்னூர் அரசு மருத்துவமனையில் தீவிர சிகிச்சை அளிக்கப்பட்டு வருகிறது.
படுகாயமடைந்து பள்ளத்தில் விழுந்தவர்களை மீட்டு சிகிச்சைக்கு அனுப்பும் பணி தீவிரமாக நடைபெற்றுவருகிறது. விபத்து காரணமாக அப்பகுதியில் ஒன்றரை மணி நேரமாக போக்குவரத்து பாதிப்பு ஏற்பட்டுள்ளது. 50 அடி பள்ளத்தில் பேருந்து கவிழ்ந்ததால் மீட்புப்பணிகள் சவாலாகியுள்ளன.