உத்தரகாண்டின் பெரினாக்கில் மசூதி சட்டவிரோத கட்டப்பட்டுள்ளதாக கூறி, அப்பகுதி மக்கள் சாலை மறியலில் ஈடுபட்டுள்ளனர். விதியை மீறி கட்டப்பட்டுள்ள இந்த கட்டிடத்திற்கு சீல் வைக்க கோரிக்கை விடுத்து வருகின்றனர்.
குமாவோன் பகுதியில் உள்ள பித்தோராகரின் பெரினாக் என்ற இடத்தில் உள்ள மசூதி விதிமீறி கட்டப்படுவதற்கு அப்பகுதி மக்களும், பல இந்து அமைப்புகளும் கடும் எதிர்ப்பு தெரிவித்து வருகின்றனர். இந்நிலையில், மாபெரும் பேரணி நடத்தப்பட்டு, விதிமீறல் கட்டுமானத்தை அகற்ற கோரிக்கை விடுக்கப்பட்டது.
கடந்த இரண்டு மூன்று மாதங்களாக இந்த சட்டவிரோத கட்டுமானத்திற்கு உள்ளூர் மக்கள் எதிர்ப்பு தெரிவித்து வருகின்றனர். ஆத்திரமடைந்த மக்கள் நிர்வாகத்தின் நடவடிக்கையில் திருப்தி அடையவில்லை. இங்கு கட்டுமான பணிகள் நடந்த போது, நிர்வாகம் நடவடிக்கை எடுத்திருக்க வேண்டும் என்கின்றனர்.
இந்த விவகாரம் குறித்து ராஷ்ட்ரிய சேவா சங்க தலைவர் ஹிமான்ஷு ஜோஷி கூறுகையில், கடந்த இரண்டு மாதங்களாக இந்த விவகாரம் நடந்து வருகிறது. இந்த விவகாரம் அனைவரது கவனத்திலும் உள்ளது, முழு நாடும் இதை கவனித்து வருகிறது. இவ்வாறானதொரு நிலையில் இன்றைய தினம் இந்த சட்டவிரோத பள்ளிவாசலுக்கு எதிராகவே போராட்டம் நடைபெறுவதுடன் அதனை அகற்றுமாறு நிர்வாகத்திடம் கோரிக்கை விடுக்கப்பட்டுள்ளது.
இந்த விவகாரம் இன்னும் நீதிமன்றத்தில் நிலுவையில் உள்ளதாக நிர்வாகம் தெரிவித்துள்ளது. இந்த சொத்தை உடனடியாக பறிமுதல் செய்து கையகப்படுத்த வேண்டும் என கோரிக்கை விடுத்துள்ளோம்’’ எனத் தெரிவித்தார்.