மோடி எல்லாம் எம்மாத்திரம்..? அமெரிக்க அதிபரின் வசதிக்கும், செல்வாக்குக்கும் வெறும் பந்தா

குடியரசு கட்சி வேட்பாளர் டொனால்ட் டிரம்ப் மீண்டும் ஆட்சிக்கு வந்துள்ளார். அவர் அமெரிக்காவின் 47வது ஜனாதிபதியாக பதவியேற்கவுள்ளார். அமெரிக்க அதிபர் தேர்தலில் கடும் போட்டி நிலவிய நிலையில், ஜனநாயகக் கட்சி வேட்பாளர் கமலா ஹாரிஸை தோற்கடித்துள்ளார்.

புதிதாக தேர்ந்தெடுக்கப்பட்ட ஜனாதிபதி 2025 ஜனவரி 20 அன்று 4 ஆண்டுகளுக்கு பதவியேற்பார். டிரம்ப் வெற்றி பெற்றதற்கு பிரதமர் நரேந்திர மோடியும் வாழ்த்து தெரிவித்துள்ளார். அமெரிக்க ஜனாதிபதி உலகின் மிகவும் சக்திவாய்ந்த நபர்களில் ஒருவராக கருதப்படுகிறார். அவருக்கு இந்தப் பதியால் என்னென்ன பலன்கள் கிடைக்கும்?

அதிபர் மரைன் ஹெலிகாப்டர், ஏர்ஃபோர்ஸ் ஒன் ஆகியவற்றைப் பயன்படுத்தலாம்.
அமெரிக்க அதிபர் உள்நாட்டு மற்றும் வெளிநாட்டு சுற்றுப்பயணங்களுக்கு மரைன் ஹெலிகாப்டர் மற்றும் ஏர்ஃபோர்ஸ் ஒன் விமானத்தையும் பயன்படுத்தலாம். அமெரிக்க ஜனாதிபதி வாஷிங்டனில் உள்ள தனது உத்தியோகபூர்வ இல்லத்திலிருந்து விமான நிலையத்திற்கு மரைன் ஒன் ஹெலிகாப்டரில் பயணம் செய்யலாம். அதில் அவருடன் மரைன் கமாண்டோக்கள் மற்றும் ரகசிய சேவை அதிகாரிகள் பயணிக்கலாம்.

ஏர்ஃபோர்ஸ் ஒன் விமானத்தில் சுமார் 4 ஆயிரம் சதுர அடி இடம் உள்ளது. இது மிகவும் பாதுகாப்பானது என்பதால், இது ‘பறக்கும் கோட்டை’ மற்றும் ‘பறக்கும் வெள்ளை மாளிகை’ என்று வர்ணிக்கப்படுகிறது. வெள்ளை மாளிகை போன்று ஜனாதிபதி தனது அன்றாட பணிகளை மேற்கொள்ள தேவையான அனைத்து வசதிகளும் இதில் உள்ளன. ஜனாதிபதியுடன் ஒரே நேரத்தில் 100க்கும் மேற்பட்டோர் பயணம் செய்யலாம்.

ஏர்ஃபோர்ஸ் ஒன் உடன், அதைப் போலவே மேலும் இரண்டு போயிங் 747-200B கள் ஒரு வழித்தடத்தில் பறக்கும். அலுவலக ஊழியர்கள், பாதுகாப்பு அதிகாரிகளை ஏற்றிக்கொண்டு மூன்றாவது ஜம்போ விமானமும் பின்தொடர்கிறது. ஏர்ஃபோர்ஸ் ஒன் 1953ல் ஐசனோவர் அப்போது ஜனாதிபதியாக இருந்த போது வந்தது.

ஏர்ஃபோர்ஸ் ஒன் மிகவும் பலத்த பாதுகாப்பு கொண்டது. எந்த சூழ்நிலையிலும் ஜனாதிபதியைப் பாதுகாக்க தயாராக இருக்கும். எந்த வகையான எதிர் நாட்டு ஏவுகணைகளையும் தோற்கடிக்கும் வல்லமை பெற்றது. ஏர்ஃபோர்ஸ் ஒன் தன்னை நோக்கி தாக்க வரும் எந்த வகையான ஏவுகணைகளையும் வானிலேயே சுட்டு வீழ்த்தி விடும்.

ஏர்ஃபோர்ஸ் ஒன்னில் இருந்து அவசரகாலத்தில் அணுகுண்டு தாக்குதல் நடத்த அமெரிக்க அதிபருக்கு அனுமதி உண்டு. இதற்காக அவர் யாரிடமும் அனுமதி பெற தேவையில்லை. பல வகையான ஜாமர்கள் விமானங்களில் பொருத்தப்பட்டுள்ளன.

ஏர்ஃபோர்ஸ் ஒன் 386 கிமீ நீளமுள்ள பாதுகாப்பு வலையத்தைக் கொண்டுள்ளது. இது ஒரு மின்காந்த கவசம் போன்றது. இது அணுசக்தி தாக்குதலில் இருந்து பாதுகாக்க உதவுகிறது. அமெரிக்க அதிபர் தனது சர்வதேச விமானங்களை ஆண்ட்ரூஸ் விமானப்படை தளத்தில் இருந்து எடுத்துச் செல்லலாம். ஏர்ஃபோர்ஸ் ஒன்னில் ஒரு பிரம்மாண்ட ஆலோசனை அறையும் உள்ளது. இது சூழ்நிலை அறை என்றும் அழைக்கப்படுகிறது. அதில் பிளாஸ்மா டிவி நிறுவப்பட்டுள்ளது. இதன் மூலம் அதிபர் டெலி கான்பரன்சிங் மூலம் அதிகாரிகளிடம் உரையாற்றுகிறார்.

அமெரிக்க அதிபதி பயணிக்க ஒரு லிமோசின் கார் வாய்ப்பும் உண்டு. அவருடன் உளவு அமைப்பு அதிகாரிகளின் கான்வாய் பின் தொடரும். அதிபர் பிற நாட்டிற்கு செல்லும் போது ​​அவரைப் பொன்ற உருவமுடைய ஒருவரும் உடன் வருவார். அவர் அச்சு அசலாக அதிபரைப் போலவே காணப்படுவார். இது எதிராளிகளை குழப்பவைக்க மட்டுமே.

அமெரிக்க அதிபர் ஒரு அரசு ஊழியராகவே கருதப்படுகிறார். அவர் நேரடித் தேர்தல் மூலம் வருகிறார். அதனால்தான் அவர் பொதுமக்களுக்கு நேரடியாகப் பொறுப்புக் கூற வேண்டியவர். அத்தகைய சூழ்நிலையில், அவரது சம்பளம் மற்றும் செலவுகள் நாட்டின் அரசாங்க கருவூலத்தில் இருந்து வழங்கப்படுகிறது.

அமெரிக்க அதிபரின் சம்பளம் ஒரு அமெரிக்கரை விட 6 மடங்கு அதிகம். சராசரியாக, ஒரு அமெரிக்கர் ஆண்டுக்கு சுமார் ரூ.53 லட்சம். அதேவேளை அமெரிக்க அதிபரின் சம்பளம் ஆண்டுக்கு சுமார் ரூ.3.35 கோடி. 2001ஆம் ஆண்டு முதல் அமெரிக்க அதிபரின் சம்பளம் உயர்த்தப்படவில்லை. 2001ல் ஜார்ஜ் டபிள்யூ. புஷ் அதிபராக இருந்தபோதுதான் சம்பளம் உயர்த்தப்பட்டது.