2024 ஆம் ஆண்டில் காதலித்து திருமணம் செய்து கொண்ட திரைப் பிரபலங்கள்
சுவாசிகா
நடிகை சுவாசிகா தமிழ் சினிமாவில் வைகை, கோரிப்பாளையம் ஆகிய படங்களில் நடித்திருந்தாலும் லப்பர் பந்து திரைப்படத்தில் இவருடைய கதாபாத்திரம் மிகப்பெரிய அளவில் பேசப்பட்டது. 
லப்பர் பந்து படத்தின் வெற்றியை தொடர்ந்து பல பட வாய்ப்புகள் இவருக்கு குவிந்து வருகிறது. இதற்கிடையில் இவர் கடந்த ஜனவரி மாதம் 24 ஆம் தேதி நடிகர் பிரேம் ஜேக்கப் என்பவரை காதலித்து திருமணம் செய்து கொண்டார். இவர்களின் திருமணம் கேரளாவில் நடந்தது குறிப்பிடத்தக்கது.
ரகுல் ப்ரீத் சிங்
தமிழ் சினிமாவில் தீரன் அதிகாரம் ஒன்று, என் ஜி கே, அயலான், இந்தியன் 2 ஆகிய படங்களில் நடித்து ரசிகர்கள் மனதில் இடம் பிடித்தவர் ரகுல் ப்ரீத் சிங். 
இவர் கடந்த பிப்ரவரி 21ஆம் தேதி தனது காதலர் ஜாக்கி பக்னானியை கோவாவில் வைத்து திருமணம் செய்து கொண்டார்.
மீதா ரகுநாத்
நடிகை மீதா ரகுநாத், முதலில் நீ முடிவும் நீ என்ற படத்தின் மூலம் தமிழ் சினிமாவில் அறிமுகமானார். 
இந்த படத்தில் தனது சிறப்பான நடிப்பை வெளிப்படுத்திய இவர் குட் நைட் படத்தின் மூலம் ஏராளமான ரசிகர்களை தன் பக்கம் கவர்ந்திழுத்தார். இந்நிலையில் இவர் கடந்த மார்ச் மாதம் 17ஆம் தேதி தனது நீண்ட நாள் காதலனை திருமணம் செய்து கொண்டார்.
அபர்ணா தாஸ் – தீபக் பரம்போல்
நடிகர் விஜயின் பீஸ்ட் மற்றும் கவினின் டாடா படத்தில் நடித்து ரசிகர்கள் மனதில் நீங்கா இடம் பிடித்தவர் அபர்ணா தாஸ். 
இவர் மஞ்சும்மெல் பாய்ஸ் பட நடிகர் தீபக் பரம்போலை காதலித்து வந்த நிலையில் கடந்த ஏப்ரல் மாதம் 24ஆம் தேதி இருவரும் திருமணம் செய்து கொண்டனர்.
ஐஸ்வர்யா – உமாபதி ராமையா
நடிகர் அர்ஜுனின் மகள் ஐஸ்வர்யா, நடிகர் தம்பி ராமையாவின் மகன் உமாபதி ராமையாவை நீண்ட நாட்களாக காதலித்து வந்த நிலையில் இவர்கள் இருவரும் கடந்த ஜூன் 10ஆம் தேதி இரு விட்டாரின் சம்மதத்துடன் திருமணம் செய்து கொண்டனர்.
வரலட்சுமி – நிக்கோலாய் சச்தேவ்
தென்னிந்திய திரையுலகில் கதாநாயகியாக மட்டுமல்லாமல் வில்லியாகவும் நடித்து பெயர் பெற்றவர் நடிகை வரலட்சுமி சரத்குமார்.
இவர் தனது காதலன் நிக்கோலாய் சச்தேவை கடந்த ஜூலை 2ஆம் தேதி தாய்லாந்தில் திருமணம் செய்து கொண்டார் என்பது குறிப்பிடத்தக்கது.
மேகா ஆகாஷ் – சாய் விஷ்ணு
சூப்பர் ஸ்டார் ரஜினிகாந்தின் பேட்ட படத்தின் மூலம் தமிழ் சினிமாவில் அறிமுகமானவர் மேகா ஆகாஷ். 
இவர் தனது காதலன் சாய் விஷ்ணுவை கடந்த செப்டம்பர் 15ஆம் தேதி திருமணம் செய்து கொண்டார்.
சித்தார்த் – அதிதி ராவ்
தமிழ் சினிமாவில் சாக்லேட் பாயாக வலம் வருபவர் நடிகர் சித்தார்த். 
இவர் நடிகை ஆதிதி ராவை நீண்ட நாட்களாக காதலித்து வந்த நிலையில் இவர்களையும் திருமணம் கடந்த செப்டம்பர் மாதம் 16ஆம் தேதி இரு வீட்டாரின் சம்மதத்துடன் நடந்து முடிந்தது.
நாக சைதன்யா – சோபிதா துலிபாலா
நடிகர் நாக சைதன்யா கடந்த 2017 ஆம் ஆண்டு நடிகை சமந்தாவை காதலித்து திருமணம் செய்து கொண்டார். அதன் பின்னர் இவர்களின் வாழ்வில் விரிசல் ஏற்பட இருவரும் கடந்த 2021 இல் பிரிந்தனர். 
அதைத்தொடர்ந்து நடிகர் நாக சைதன்யா, சோபிதா துலிபாலாவை காதலித்து வந்த நிலையில் கடந்த டிசம்பர் 4ஆம் தேதி இவர்களின் திருமணம் ஐதராபாத்தில் நடந்து முடிந்தது.
காளிதாஸ் ஜெயராம் -தாரிணி
பிரபல நடிகர் ஜெயராமின் மகன் காளிதாஸ், மாடல் அழகி தாரிணியை நீண்ட நாட்களாக காதலித்து வந்த நிலையில் இவர்கள் இருவரும் கடந்த டிசம்பர் 8ஆம் தேதி கேரளாவில் உள்ள குருவாயூர் கோயிலில் வைத்து திருமணம் செய்து கொண்டனர்.
கீர்த்தி சுரேஷ் – ஆண்டனி தட்டில்
தென்னிந்திய திரை உலகில் முன்னணி நடிகையாக வலம் வரும் கீர்த்தி சுரேஷ் தனது நீண்ட நாள் காதலன் ஆண்டனி தட்டிலை கடந்த டிசம்பர் 12ஆம் தேதி கோவாவில் வைத்து திருமணம் செய்து கொண்டார். இந்து முறைப்படியும் கிறித்துவ முறைப்படியும் நடந்த இவர்களின் திருமண புகைப்படங்கள் இணையத்தில் வைரலாகி வருகிறது.