சமூக வலைதளத்தில் கலக்கும் ஜெயிலர் படத்தின் புதிய அப்டேட்கள். முன்னணி நட்சத்திரங்களின் அணிவகுப்பு.
தமிழ் சினிமாவில் வளர்ந்து வரும் இயக்குனர்களில் ஒருவர் நெல்சன் திலீப்குமார். அவர் கோலமாவு கோகிலா என்னும் படத்தின் மூலம் இயக்குனராக உருவெடுத்தார்.
மேலும், இவர் இயகத்தில் வெளிவந்த டாக்டர், பீஸ்ட் போன்ற திரைப்படங்கள் மாபெரும் வெற்றியை கண்டது. அதனை தொடர்ந்து இவர் சூப்பர் ஸ்டார் ரஜினி காந்தத்தை வைத்து ஜெயிலர் என்னும் படத்தை தயாரித்து வருகிறார்.
இப்படத்தில், முத்துவேல் பாண்டியன் என்ற கதாபாத்திரத்தில் ரஜினி நடித்து வருகிறார். இந்த படத்தில் கன்னட நடிகர் சிவராஜ்குமார், மலையாள நடிகர் மோகன்லால், தெலுங்கு நடிகர் சுனில், ரம்யா கிருஷ்ணன், தமன்னா, யோகி பாபு, விநாயகன் மற்றும் வசந்த் ரவி உள்ளிட்ட பல முன்னணி திரை நட்சத்திரங்கள் நடித்து வருகின்றனர். ஜெயிலர் படத்தின் படப்பிடிப்பு விறுவிறுப்பாக நடைபெற்று வருகிறது.
இந்நிலையில் ஜெயிலர் படத்தில் வரும் கதாப்பாத்திரங்கள் குறித்த தகவல் இணையத்தில் வைரலாகி வருகிறது. அதன்படி இப்படத்தில் ரஜினி ஓய்வு பெற்ற ஜெயிலராகவும், ரம்யா கிருஷ்ணன் ரஜினியின் மனைவியாகவும், வசந்த் ரவி ஐபிஎஸ் அதிகாரியாகவும், தமன்னா மற்றும் சுனில் சினிமா நடிகர்களாகவும் நடித்து வருவதாக சினிமா வட்டாரங்கள் தெரிவிக்கின்றன.
மேலும் ரஜினி சம்பந்தப்பட்ட காட்சிகள் விரைவில் நிறைவு பெறவுள்ளதாகவும் இதில் கலகலப்பான ரஜினியை எதிர்பார்க்கலாம் எனவும் படக்குழு தகவல் வெளியாகியுள்ளது.